Intel "Killer" nag surrender na sa M'lang PNP

M'LANG, COTABATO PROVINCE - Boluntaryo nga nag surender sa kapulisan karon nga adlaw ang suspek sa pagpatay kay P02 Lovelle Tan.

Basi sa mga testimonya sang mga nakakita Nakilal-an ang suspek nga si Jerson "Kurata" Papna yara sa legal nga idad kag residente sang Barangay Bialong dire.

Suno kay Police Inspector Lito L. Patrona ang Deputy Chief sang police dire samtang naga patigayun sila sang manhunt operation kalambigit sa nahitabo nga pagpusil kag pag patay sa isa ka police diri

nagtawag ining suspect kay Mayor Russel Abonado kag nag pahibalo nga mag surender na daw kuno siya.

Dayun nag diretso ang mga kupulisan sa  Barangay Sangat Mlang Cotabato  kag didto nila gin dakop si Papna.

Dugang ni Patrona nga personal ang rason sang suspek nga-a gin luthang niya ang biktima.

Yara na  karon sa detention cell sang kapulisan diri ang suspect kag maga atubang siya sang kaso nga homicide o  murder.

Nagapadayun sa gihapun ang imbestiligasyon sang kapulisan kalambigit sa pag pamusil kung basi may ara pa sang mas madalum nga rason ining suspect sa pagpatay sa kay P02 Tan

Joseph Ballejera
Ora mismo

INTEL SANG MLANG PNP GINPUSIL PATAY

MLANG, COTABATO PROVINCE - Dead on the spot ang isa ka intellegence operative sang  police diri sa first class town human ini gin pusil pasado alas 8 subong nga aga .

Police Officer-2 Lovelle Tan

Nahibaluan nga naga-pangape kag naga cut sang bonsai ining si Police Officer-2 Lovelle Tan sang kalit ini tiro sang pito ka beses sang wlaa makilal-an nga gunman sa mismo nga manokan sini sa Paterno St. Poblacion A dire.

Multiple gun shot wounds halin sa likod nga nag lusot sa dughan nga parti sang lawas sang biktima ang pinaka rason sang paspas sini nga kamatayun

Suno sa wala na magpakilala nga saksi nga pagkahuman namusil sang suspek dayon ini nagsibat sakay sa  maroon nga Kawasaki Barako pero wla niya ini makilal-an.

Mga naga-inum nga soltero sa M'lang gin Armalite, 1 patay, 1 Kritikal

Sulat ni Joseph Ballejera

M'LANG - Patay ang isa ka lalaki kag kritikal naman ang kundition sang isa pa ka lalaki sang ginpaulanan ini sang bala samtang naga inuman sa Mlang North Cotabatao kagabii.

Nahitabo ang pagpamusil alas 9:10 kagabii sa Salaksakan Purok 3 Poblacion A Mlang North Cotabato samtang naga inuman ining mga biktima nga sila Furtunato "Nonoy" Lavega 57 anyos kag residente sa Barangay Inas Mlang Cot kag temporaryo nga naga uli sa Poblacion A Mlang, kag Ronnel G. Dela Cruz 22 anyos kag residente sang Salaksakan Poblacion A Mlang Cotabato.

Sa testimonya ni LuiRick Flores Purok President sang Purok 3 Poblacion A Mlang Cotabatao kag kainuman sining duha ka biktima pagtalikod nya lang halin sa lamisa nga ginatagayan, bigla nalang gin luthang sang pila ka besis ining mga biktima sang duha
ka wla nya maitsurahan ka mga lalaki nga naga sakay sa pula nga baja motorcyle kag dayun nag sibat sa wla na mahibaluan nga direksyon.

Daun gin dali dali sa Mlang Doctors Hospital ining si Lavega pero gin refer dayun sa Kidapawan Medical Specialist Center para sa mas madalumay nga medical nga atention mahitungod sa kritikal ang kondisyon sini nga Multiple gun shoot wound sa tiyan nga parti sa lawas sining biktima, kag suno sa Mlang Pnp halin sa Kidapawan Medical Specialist gin refer naman ini sa Cotabato Provincial Hospital pero gin diklara nga dead on arival banda alas 11 kagabii.

Kag sa Mlang District Hospital naman gindla ining si 22 anyos nga si Dela Cruz pero gin refer gihapun sa Balay tambalanan sa kidapawan mahitungod sa wla untat ang pag bleeding sang samad sini sa tuo nga parti sang paa nga igo gihapun sang bala.

One of the victims is rushed to the hospital for treatment

Sumala pa sa ginikanan sining 22 anyos nga si Dela Cruz si Lavega gid ang target sa pag pamusil kag nadamay nalang ining ila nga bata nga naigo sa paa.

Dayun nagpatigayun sang manhunt operation ang kapulisan sang mlang pero wla na naabtan pa ang mga suspetsado nga naka riding in tandem.

Nakuha halin sa nahitabuan sang pagpamusil ang onse ka basiyo sang 5.56 nga bala sang m16 armalite rifle.

Sa pagkakarun Blangko pa ang kapulisan sa motibo sa pagpamusil sa mga biktima kag sa responsable sa nahitabo nga kremin.